உலகத் தமிழாராய்ச்சி நிறுவனம் : International Institute of Tamil Studies

மாணவர்களுக்கான விதிமுறைகள்

விருப்பம் உள்ள அனைத்து மாணவ மாணவியர்கள் இப்பட்டயப் படிப்பில் இணைந்து பயன்பெறலாம்.

பட்டய வகுப்பில் சேரும்போது ஒவ்வொருவரும் தங்களுடைய சேர்க்கை கடிதங்கள், வாக்காளர் அடையாள அட்டை, ஆதார் அட்டை, கல்வித் தகுதிச் சான்றிதழ்கள், புகைப்படம்(4) போன்றவை கொண்டு வருதல் வேண்டும்.

பட்டயப் படிப்பில் சேர்வதற்கு 10, +2 ஆம் வகுப்பு படித்தவர்கள், பட்டம் பெற்றவர்கள் என அனைவரும் பட்டயப் படிப்பில் சேரலாம்.

மாணவர்கள் அளிக்கும் தமிழ் பெயர், ஆங்கில பெயர் மற்றும் முகவரி ஐந்து ஆண்டுகளுக்கு மாற்றம் செய்ய இயலாது. எனவே மாணவர்கள் சரியான பெயர் மற்றும் முகவரி அளிக்க வேண்டும்.

ஏற்கனவே மருத்துவம் பற்றி ஓரளவிற்குத் தெரிந்தவர்கள் இப்பட்டயப் படிப்பில் சேர்ந்து முழுமையாக கற்றுக் கொள்வதற்கு அவரர்கள் தமக்கு மருத்துவம் பற்றித் தெரியும் என்று அவ்வூரின் கிராம மக்கள் பத்துப் பேரின் சான்றொப்பம் (முகவரியுடன்) மற்றும் கிராம நிர்வாக அதிகாரியின் கையொப்பம் பெற்று வர வேண்டும். இதன்பிறகே அவர்கள் சேர்த்துக் கொள்ளப்படுவர்.

ஒவ்வொரு மாணவர்களுக்கும் அடையாள அட்டை (ID card) வழங்கப்படும்.

குறிப்பிட்டக் காலங்களில் கல்விக் கட்டணம் முழுமையாக செலுத்த வேண்டும். பதினெண் சித்தர்கள் மருத்துவ ஆய்விருக்கையின் பட்டயத்தில் சேரும் மாணவர்களின் கட்டணத் தொகையை முழுமையாக இருக்கையின் வங்கிக் கணக்கில் செலுத்த வேண்டும். வங்கியில் பணம் செலுத்தியதற்கான ஒப்புகைச் சீட்டை விவரங்களுடன் அலுவலகத்தில் தெரிவித்து பதிவு எண் பெற்றுக் கொள்ள வேண்டும்.

மாணவர்கள் சேர்க்கையில் இருந்து விலகிக்கொள்ள விரும்பினால் கட்டணம் திருப்பித் தரப்பட மாட்டாது. தவிர்க்க இயலாத காரணத்தால் தேர்வு எழுத முடியாதவர்கள் மற்றும் தேர்வில் வெற்றி பெறாதவர்கள் தனிக்கட்டணம் குறிப்பிட்ட நாட்களுக்குள் செலுத்தி அடுத்த ஆண்டு மறுதேர்வு எழுதலாம்.

பாடநூல்கள், பயிற்சிக் காலங்களில் பயன்படுத்தப்படும் மருந்துப் பொருட்களுக்குரிய கட்டணத்தைத் தனியாக செலுத்த வேண்டும்.

பதினெண் சித்தர்களின் நூல்கள் பாடநூல்களாக வைக்கப்படும்.

ஒவ்வொரு வாரமும் சனி, ஞாயிறு ஆகிய இரண்டு நாட்களில் வகுப்புகள் நேர்முகமாகவும் அறிவிக்கப்பட்ட இடங்களில் நடைபெறும். இணையம் வழியாகவும் நடைபெறும்.

ஆண்டுக்கு இரு முறை, எழுத்துத் தேர்வும், பயிற்சித் தேர்வும் நடத்தப்படும். இவை இரண்டிலும் தேர்ச்சி பெற்ற மாணவர்களுக்கு மதிப்பெண் சான்றிதழ் வழங்கப்படும்.

பதினெண் சித்தர்கள் மருத்துவ ஆய்விருக்கையில் பயிலும் மாணவர்கள் நிறுவன செயல்பாடு விதிமுறைகளுக்கு உட்பட்டு செயல்பட வேண்டும். நிறுவன விதிமுறைகளுக்கு மாறாக செயல்படும் மாணவர்களை அவர்களுடைய சான்றிதழ்கள் பறிமுதல் செய்யப்பட்டு நடவடிக்கை மேற்கொள்ளப்படும்.

நிறுவனத்தின் பட்டயங்களின் விபரம்

பதினெண் சித்தர்களின் மூலிகை மருத்துவம் - முதலாமாண்டு

18 Siddhars Herbal Medicine - First Year

பதினெண் சித்தர்களின் தமிழ் மரபு மருத்துவம் - இரண்டாமாண்டு

18 Siddhars Tamil Traditional Medicine - Second Year

பதினெண் சித்தர்களின் உயர்கல்வி மருத்துவம் - மூன்றாமாண்டு (மற்றும்) நான்காமாண்டு

18 Siddhars Higher Education Medicine - Third Year (and) Fourth Year

பதினெண் சித்தர்களின் உயராய்வு மருத்துவம் - ஐந்தாமாண்டு

18 Siddhars Advanced Medicine - Five Year

முதலாமாண்டு, இரண்டாமாண்டு, மூன்றாமாண்டு, நான்காமாண்டு மதிப்பெண் சான்றிதழ் மற்றும் பட்டயச் சான்றிதழ் வைத்து கல்வியை தொடர மட்டுமே பயன்படுத்த வேண்டும். பதினெண் சித்தர்களின் மருத்துவ ஆய்விருக்கையின் ஐந்து ஆண்டு கல்வியை முழுமையாக முடித்து தேர்ச்சி பெற்ற மாணவர்களுக்கு Traditional Siddhars Medical Service (TSMS) உலகத் தமிழாராய்ச்சி நிறுவனம் பதினெண் சித்தர்கள் மருத்துவ ஆய்விருக்கையின் வழி சான்றிதழ் வழங்கப்படும்.

(குறிப்பு : ஐந்து ஆண்டு கல்வி தேர்ச்சி பெற்ற மாணவர்களுக்கு பதிவுக்கான உரிய ஏற்பாடு செய்யப்படும். மாணவர்கள் உலகத் தமிழாராய்ச்சி நிறுவனம் பதினெண் சித்தர்கள் மருத்துவ ஆய்விருக்கை விதிமுறைகளுக்கு உட்பட்டு செயல்பட வேண்டும்.)

சித்தர்களின் கல்வி என்பது கற்று அறிவை வளர்த்து கொள்வதற்கு மட்டும்மல்ல எல்லோருக்கும் பயன் பெறும் வகையில் அமைதல் வேண்டும்.

திருக்குறள்

கற்க கசடறக் கற்பவை கற்றபின்

நிற்க அதற்குத் தக

குறள் : 391 - திருவள்ளுவர்